Dempuèi 2008, lo CFPO Miègjorn Pirenèus prepausa de formacions a distància.
En 2013, lo CFPO MP prepausarà tres accions qualificantas :
la formacion Escapolaire a la lenga occitana per un public de començaires la formacion Avançada a la lenga occitana, per un public ja avançat la formacion Perfeccionnement a la lenga occitana, per un public que parla e escriu ja correntament.
Començament de las accions : 13 de genièr de 2013
Dubèrta a totes, aquestas formacions es prepausadas dins los dos dialèctes de la Region, lo lengadocian e lo gascon.
Son objectiu es doble :
permetre als estagiaris de se qualificar en lenga occitana (nivèl A2, B2 o C1 del CECRL)
lor far descobrir un mestièr ligat a la lenga e/o la cultura occitana.
Pel nivèl A2, los estagiaris seguisson 170 oras de formacionper visioconferéncia, conferéncia telefonica e presentacion de documents en linha.
Pel nivèl B2, an tanben 170 oras de formacion, per fin de consolidar e valorizar los aquesits e aital poder aténher lo novèl B1 o lo nivèl B2 del CECRL en fin de percors, segon las competéncias aquesidas.
Pel anar cap nivèl C1, son 170 oras mai de formacion que permeton de perfeccionar sas coneissenças e abordar las subtilitats de la lenga. Aquel nivèl permet d’obténer la capacitat de compreneson dins totes los dialèctes de la lenga occitana.
En mai dels corses setmanièrs (3 oradas de cors + 3 oradas de trabalh personal, las doas accions preveson quatre regropaments dins l’annada e un estagi d’al mens 35 oras dins una estructura emplegaira que l’occitan i es la lenga de trabalh mai correnta.
Sièis meses d’aprendissatge son l’equivalent de doas annadas de corses setmanièrs d’una ora e mièja. Un aprendissatge intensiu que permet una progression rapida e eficaça dins la mestritge de la lenga, e que, per son organizacion coma de corses del ser, daissa als salariats una granda soplesa d’organizacion e permet a cadun de seguir lo cors dirèctament dempuèi son ostal.
Telecargar lo calendièr A2
Telecargar lo calendièr B2
Telecargar lo calendièr C1
Modalitats d’inscripcion :
Vos podètz inscriure tre ara per mail (formacion@cfpoc.net) alprèp del CFPO-MP, lo dorsièr d’inscripcion vos serà mandat.
L’inscripcion es presa en compte après avaloracion e entreten individual pel CFPO-MP.
Telecargar las fichas
Dobertura : 13 de genièr de 2013.
Finançament : pels salariats : finançament possible dins lo quadre d’un DIF, CIF o plan de formacion (OPCA, FONGECIF) ; pels demandaires : finançament Pôle Emploi.
Autres cases : inscripcion individuala : 480€.
