Lo QECRL es un esplech que permet de precisar al
maxi los objectius d’aprendissatge realistas que respondon als besonhs dels apreneires. Definís tanben los nivèls de competéncias en lenga de A1 a C2. Es un tèxte del Conselh d’Euròpa utilizat pels organismes dels mai serioses d’ensenhament de las lengas en Euròpa.
La referéncia al QECRL es pròva de seriós : los Diplòmas de la ret dels Centres de Formacion Professionala Occitans se vòlon d’èsser de certificats de competéncia reconeguts.
Son tanben d’espleches tocables pels emplegaires, pels salariats. Nombroses son los qu’an de besonh d’una reconeissença en lenga siá per avalorar un apprendissatge, siá per valorizar un saber.
Nivèl A2, dich « de subrevida »
L’estagiari :
Pòt comprene de frasas isoladas e d’expressions frequentament utilizadas en relacion amb de domènis immediats de prioritat (per exemple, informacions personnalas e familhalas simplas, crompas, environament pròche, trabalh).
Pòt comunicar per de prètzfaches simples e costumièrs demandant sonque
un escambi d’informacions simple e dirècte sus de subjèctes costumièrs.
Pòt descriure demercé de mejans simples sa formacion, son environament pròche e parlar de subjèctes que correspondon a de besonhs immediats.
Sesilha venenta lo 30 de junh de 2012 a Rodés, Tarba e Tolosa. Còst 15 € (+10€ d’adesion).
Lo nivèl B1 dich « sulhet »
L’estagiari :
Pòt comprene los punts essencials quand un lengatge clar e estandard es utilizat e se s’agís de causas familièras dins lo trabalh, a l’escòla, los lésers… .
Se pòt petaçar dins la màger part de las situacions rencontradas en viatge dins una region ont la lenga es parlada.
Pòt produire un discors simple e coerent sus de subjèctes familièrs e dins sos domenis d’interès.
Pòt contar un eveniment, una experiéncia o un sòmi, descriure un esper o una tòca e expausar brèvament de rasons o d’explicacions per un projècte o una idèa.
Sesilha venenta lo 26 de junh de 2012 a Tolosa. Còst 25 € (+10€ d’adesion).
Lo nivèl B2 dich « independent »
L’estagiari :
Pòt comprene lo contengut essencial de subjèctes concrets o abstraches dins un tèxt complèx, compresa une discutida tecnica dins son especialitat.
Pòt comunicar amb una espontaneïtat e una aisidença tala que una convèrsa amb un locutor natiu pòrta pas de tension ni per l’un ni per l’autre.
Se pòt exprimir de biais clar e detalhat sus un panèl grand de subjèctes, emetre un vejaire sus un subjècte d’actualitat e expausar los avantatges e los desavenis de possibilitats diferentas.
Sesilha venenta lo 23 de junh de 2012 a Rodés, Tarba e Tolosa. Còst 35 € (+10€ d’adesion).
Lo nivèl C1 dich « autonòma »
Pel primièr còp, un examen d’occitan al nivèl C1 s’es debanat a Besièrs pels futurs formators lo 9 de novembre de 2009. A aquel nivèl, lo diplòma es fondat en compreneson, sus de documents de totes los dialèctes, e en produccion, dins lo dialècte de cadun (un examen unic doncas per totes).
L’estagiari :
Pòt comprene una granda diversitat de tèxtes longs e exigents, e entendre los significats implicits.
Se pòt exprimir d’un biais espontanèu e corrent sens donar l’aparéncia de cercar sos mots.
Pòt utilizar la lenga d’un biais eficaç e sople dins sa vida sociala, professionala o academica.
Se pòt exprimir de biais clar e plan estructurat sus de subjèctes complèxes, e manifestar son contraròtle dels otisses d’organizacion, d’articulacion e de coesion del discors.
Sesilha venenta los 16 e 17 de julhet de 2012 a Besièrs. Còst 50 € (+10€ d’adesion).
Tres regions
Dempuèi junh de 2005, los Diplòmas se debanan sus las tres regions :
En Miègjorn-Pirenèus, pel lengadocian e lo gascon, CFPO.MP de Tolosa.
En Aquitània, pel gascon, CFPÒC d’Ortés.
En Lengadòc-Rosselhon, pel lengadocian, CFPO Lengadòc de Besièrs
