La ret interregionala dels Centres de Formacion Professionala occitans ligats a las escòlas Calandreta e l’Institut d’Estudis Occitans se son associats per metre en òbra una marca d’apellacion de qualitat per l’ensenhament de l’occitan als adultes..
Aquela volontat es estada exprimida a l’escasença d’un primièr rescontre pel primièr còp lo 18 d’agost de 2004.
Lo mot PARLESC, ven de la contraccion dels mots « PARlar », « Legir », « ESCriure ».
La marca de qualitat PARLESC vos pòrta de garantidas per çò que concernís
L’organisme que vos prepausa los corses d’occitan e las condicions materialas recampadas per aquò,
Lo nivèl de qualificacion en occitan de la formatritz o del formator,
Los contenguts, las progressions e l’apròcha pedagogica,
Las possibilitats de valorizacion de vòstras competéncias novèlas en occitan demercé una certificacion.
PARLESC : PER CONJUGAR PLASER E EFICACITAT