Qual sèm ?
D’accions de formacion variadas
Estagis intensius PARLAR de dos jorns a una setmana ;
Corses del ser ;
Formacions individualizadas ;
Formacion a distància ;
Formacions professionalas ;
Formacion intensiva en presencial ;
Formacions Sciéncias e Natura.
De còlas pedagogicas e administrativas qu’an experiéncia e saber-far
Las formacions prepausadas dintran dins lo Quadre Europèu Comun de Referéncia per las Lengas (QECRL), que definís de nivèls de competéncias practicas en lenga (compreneson orala e escricha, expression orala e escricha).
Los metòdes pedagogics utilizats donan la prioritat a la comunicacion e a l’expression orala dels estagiaris, la tòca principala es de formar de locutors actius. La presa de paraula, a travèrs de situacions ludicas e de mesas en scènas, es afavorida. Atal, cada apreneire es mes en situacion d’actor de sa formacion.
De formators qualificats
Nòstres formators son titulars d’una licéncia d’occitan o an un nivèl equivalent. An seguit una formacion sul tèma doble « Cossí ensenhar a d’adultes ? » e « Cossí ensenhar l’occitan als adultes dins lo quadre dels Centres de formacion professionala dins d’autras regions occitanas ? », e participan activament als acamps pedagogics bimesadièrs.
Evolucion dels metòdes, reflexions e formacions dels formators permeton de dispensar de corses de qualitat.
Un trabalh en ret
L’accion del CFPO Miègjorn- Pirenèus s’apièja tanben sul trabalh en comun de la ret dels centres partenaris creada en Lengadoc-Rosselhon [CFPO Lengadòc] e en Aquitània [CFPÒC] per respondre a la demanda creissenta d’ensenhament de la lenga occitana.
Las nòstras formacions se pòdon inscriure dins lo quadre de la formacion professionala de contunh
(DIF, CIF, plan de formacion)
Ont nos trobar
CFPO-MP
Ostal d’Occitània
11 carrièra Malcosinat
31000 Tolosa
(33) 5 61 23 99 51
