Logo CFPO
  • Occitan
  • Français

Dons e desfiscalizacion

SÈTZ UN PARTICULAR :

L’associacion CFPO Miègjorn-Pirenèus a per tòca d’ensenhar la lenga occitana.

Es abilitada per provesir un certificat de don (modèl CERFA) que permet la deduccion fiscala (*).

 

Nos podètz ajudar a desvolopar de projèctes al servici de la lenga occitana.

Per nos ajudar e sosténer nòstres projèctes, imprimissètz lo bulletin disponible jos aqueste ligam.

Emplenatz-lo  e mandatz-lo-nos, acompanhat de vòstre chèc a l’adreça seguenta :

 

Associacion CFPO Miègjorn-Pirenèus

45, carrièra Gatien Arnoult

31000 TOLOSA

 

SÈTZ UNA ENTREPRESA :

Metètz de valor al còr de vòstra marca e de vòstra entrepresa !

Vos prepausam uèi de participar a aquesta bèla reüssida e d’assegurar son desvolopament a mejan e long tèrme en venent mecène.

Èsser mecène de l’associacion CFPO Miègjorn-Pirenèus, aquò’s se marcar dins una dinamica, s’associar, aderir a un projècte fòrt e federator dins lo domeni de la formacion a la lenga occitana.

QUIN INTERÈS PER VÒSTRA ENTREPRESA ?

Lo mecenat est un don en numerari, competéncias o natura al benefici de nòstra estructura e dels beneficiaris de nòstras accions.

Lo mecenat se pòt inscriure dins l’estrategia de vòstra entrepresa. Es una oportunitat de realizar d’operacions de relacions publicas dins un contèxte atractiu e original.

MELHORAR E EXPAUSAR L’IMATGE DE VÒSTRA ENTREPRESA :

Es un mejan ideal per comunicar long de l’annada, en afirmant las valors de vòstra entrepresa dins lo partiment d’aquelas de l’Associacion CFPO Miègjorn-Pirenèus.

LO MECENAT, UNA FORMULA SIMPLA

Concretament, lo mecenat se tradutz del biais seguent :

La reduccion de 60 % del montant total del don sul montant de l’impòst sus las societats (**)

LA PRESÉNCIA DEL SPONSOR

Podèm prepausar una contrapartida publicitària a vòstre don. Aquela contrapartida es facultativa e sètz vos que causissètz se ne volètz profiechar o pas. Dins lo cas que seriatz interessat, o podèm organizar de mantun biais :

Vòstre lògo sul site internet de l’associacion CFPO Miègjorn-Pirenèus (amb un ligam cap a vòstre site institucional),
Un bendèl publicitari sus nòstres documents de presentacion dels projèctes.

Per nos ajudar e sosténer nòstres projèctes, imprimissètz lo bulletin disponible jos aqueste ligam.

Emplenatz-lo  e mandatz-lo-nos, acompanhat de vòstre chèc  a l’adreça seguenta :

 

Associacion CFPO Miègjorn-Pirenèus

45, carrièra Gatien Arnoult

31000 TOLOSA

 

 Mencions legalas :

Per garantir  lo respècte de vòstra vida privada, nos engajam a transmetre pas vòstras coordenadas a nòstres partenaris.

Conformadament a la lei Informatica e Libertats del 6 genièr de 1978, dispausatz  d’un drech d’accès e de rectificacion de las informacions personalas que vos concernisson. Per aquò far escrivètz a formacion@cfpoc.net en precisant la natura de vòstra demanda dins l’objècte del mail.

(*) Pels particulars : dons qu’obrisson un drech a una reduccion d’impòst de 66 % de las somas donadas, dins lo limit de 20 % del revengut imposable.

(**) Per las entrepresas : Las entrepresas assujetidas a l’impòst sul revengut o sus las societats pòdon beneficiar d’una deduccion fiscala egala a 60 % del montant del don dins lo limit d’un plafond de 5 ‰ de la chifra d’afars annadièra. Se l’entrepresa a efectuat son don jos la forma de mecenat en natura o de competéncia, en contribuissent amb de mejans (produches o servicis), aquesta contribucion es alara valorizada al prètz de reven, o a la valor neta comptabla pels elements inscriches a l’actiu de l’entrepresa.

by-nc-nd.eu