Logo CFPO
  • Occitan
  • Français

Qual sèm ?

Le Centre de Formacion Professionala d’Occitània Miègjorn-Pirenèus especializat dins l’ensenhament de l’occitan, prepausa, dempuèi 1999, una ofèrta de formacion de qualitat e dobèrta a totes, en gascon e en lengadocian.

D’accions de formacion variadas

  • Estagis intensius PARLAR de dos jorns a una setmana ;
  • Corses del ser : les SETMANIÈRS ;
  • Formacions individualizadas ;
  • Formacion a distància ;
  • Formacions professionalas ;
  • Formacion intensiva en presencial ;
  • Formacions Sciéncias e Natura ;
  • BAFA occitan.

De còlas pedagogicas e administrativas qu’an experiéncia e saber-far

Las formacions prepausadas dintran dins le Quadre Europèu Comun de Referéncia per las Lengas (QECRL), que definís de nivèls de competéncias practicas en lenga (compreneson orala e escrita, expression orala e escrita).

Los metòdes pedagogics utilizats donan la prioritat a la comunicacion e a l’expression orala dels estagiaris, la tòca principala es de formar de locutors actius. La presa de paraula, a travèrs de situacions ludicas e de mesas en scènas, es afavorida. Atal, cada apreneire es mes en situacion d’actor de sa formacion.

De formators qualificats

Nòstres formators son titulars d’una licéncia d’occitan o an un nivèl equivalent. An seguit una formacion sul tèma doble « Cossí ensenhar a d’adultes ? » e « Cossí ensenhar l’occitan als adultes dins le quadre dels Centres de formacion professionala dins d’autras regions occitanas ? », e participan activament als acamps pedagogics bimesadièrs.

Evolucion dels metòdes, reflexions e formacions dels formators permeton de dispensar de corses de qualitat.

Un trabalh en ret

L’accion del CFPO Miègjorn- Pirenèus s’apuèja tanben sul trabalh en comun de la ret dels centres partenaris creada en Lengadòc e Rosselhon [CFPO Lengadòc] e en Aquitània [CFPÒC] per respondre a la demanda creissenta d’ensenhament de la lenga occitana.

Las nòstras formacions se pòdon inscriure dins le quadre de la formacion professionala de contunh

(DIF, CPF, CIF, plan de formacion)

logo cairrat
by-nc-nd.eu