Logo CFPO
  • Occitan
  • Français

Aprene l’occitan

Las nòstras formacions se pòdon inscriure dins lo quadre de la formacion professionala continua (DIF, CIF, plan de formacion)

Los estagis PARLAR

Una formacion a la lenga e a la cultura occitana una vertadièra progression per s’escampar en occitan o mai simplament s’i tornar metre.

Un autre biais d’aprene l’occitan. En mai dels corses tradicionals, lo CFPO.M-P vos prepausa un panèl de Talhièrs : danças, cants, contes… Tot aquò dins la convivialitat e segon lo ritme de cadun.

Un tèma diferent es tractat a cada estagi : Los aucèls, La prima, Carnaval, L’Aventura ou Lenga e Vin… cadun i traparà son bonaür tot lo long de l’annada (tèmas cambiant cada annada en foncion del public)

Per cada periòde de vacanças escolara, traparetz dos nivèls de formacion intensiva a la lenga e a la cultura occitana,una vertadièra progression per s’escampar en occitan o mai simplament s’i tornar metre.

  • nivèl començaire : estagis PARLAR de 4 jorns (de mièg-setembre a mièg-julhet tanben pendent las vacanças escolaras), per aprene l’occitan e aprestar lo Diplòma d’Escapolaire.
  • nivèl avançat : estagis PARLAR de 3 jorns (de fin d’octòbre a fin de junh) per melhorar lo vòstre nivèl en lenga e aprigondir vòstras coneissenças.

Formacion a distància

Tres formacions completas dempuèi l’ostal ! Formacions de 6 meses que vos permeton d’aquesir siá lo nivèl A2 (170 oradas), siá lo nivèl B2 (170 oradas), siá d’anar cap al nivèl C1 (150 oradas) del Quadre Europèu de Referéncia per las Lengas (QECRL), en lengadocian o en gascon, los dos dialèctes presents en Miègjorn-Pirenèus.

Per las entrepresas…

Desiratz de formar lo vòstre personal a la lenga e a la cultura occitana ? Lo CFPO M-P, organisme de formacion agradat , vos prepausa sos servicis : formacion individuala o collectiva, en continú o en discontinú, dins vòstres locals o sul nòstre sit.

Los Setmanièrs

Un cors d’una ora e mièja un o dos còps per setmana… per un aprendissatge regular tot lo long de l’annada… Amai un estagi en immersion de quatre jorns e un examèn de nivèl.

Un moment d’immersion cada setmana per un aprendissatge de contunh. Desiratz de parlar occitan ? Aprene de lo legir e de l’escriure ? Discutir e escambiar dins aquela lenga ? L’aprene per ajudar vòstres enfants escolarizats en Calandreta ? Sètz nascut(da) en Occitània e desiratz d’aprigondir la vòstra cultura d’origina ? Vos agradariá d’ anar a la descobèrta de qualques traches de la cultura de vòstra region ?

Los Setmanièrs son aquí per vos !

by-nc-nd.eu