Logo CFPO
  • Occitan
  • Français

Formacion BAFA

Le BAFA, qu’es aquò ?

Le CFPO-MP met en plaça una formacion Bafa (brevet d’aptitud a la foncion d’ animator). Se debana en tres partida :

  • una formacion generala ;
  • un estagi practic dins un acuèlh collectiu de minors amb o sens albèrgament ;
  • un aprigondiment amb un tèma causit ligat a la lenga e a las culturas occitanas – en foncion de l’organizator.

Las inscripcions als estagis teorics se fan alprèp de l’organizator.

Le brevet d’aptitud a las foncions d’animator es un diplòma que permet « d’enquadrar a títol non professional, d’un biais ocasional, d’enfants e d’adolescents en acuèlhs collectius de minors ».

Aqueles acuèlhs an vocacion a ofrir als enfants e als joves d’activitats educativas adaptadas a lors besonhs, pendent los tempses de lésers e de vacanças. S’articulan a l’entorn del projècte educatiu de l’organizator e d’un projècte pedagogic elaborat en concertacion amb l’ensemble de l’equipa educativa.

Vos cal imperativament aver 17 ans complits al primièr jorn de vòstra primièra session de formacion (formacion generala).

Una session de formacion generala

Vòstra inscripcion a aquesta primièra session se fa dirèctament alprèp del CFPO-MP.

Prealablament a vòstra inscripcion, l’organisme de formacion vos infòrma sus son Projècte Educatiu, sus la mission educativa dels acuèlhs collectius de minors e sul cursus de formacion que prepara al Bafa.

La validacion d’aquesta primièra session permetrà d’obténer la qualitat d’animator estagiari.

Un estagi practic

L’estagi practic se debana obligatòriament en sejorn de vacanças, en acuèlh de lésers, en acuèlh de joves o en acuèlh de scotisme.

Per poder efectuar vòstre estagi practic, vos cal pas patir d’una incapacitat penala consecutiva a una condamnacion definitiva per un crimi o delicte, ni far l’objècte d’una mesura administrativa d’interdiccion d’exerçar alprèp dels minors.

Aqueste estagi pòt èsser remunerat. Se pòt debanar dins lo quadre d’un contracte d’engatjament educatiu, d’un contracte de trabalh, coma benevòl o volontari.

Una session d’aprigondiment o de qualificacion

Avètz la causida entre dos tipes de sessions :

  • una session d’aprigondiment que vos permet d’aprigondir vòstras aptituds a exerçar las foncions d’animator ;
  • una session de qualificacion que vos permet d’aquerir de competéncias dins un domeni especializat. Amb aquesta qualificacion l’animator dispausa de prerogativas especificas per enquadrar aquesta activitat dins un acuèlh collectiu de minors.

Ajuda

La Caf pòt vos autrejar una ajuda financièra de 91,47 € o 106,71€ (per l’especializacion pichona enfància) per l’ensemble de vòstra formacion.
Per obténer aquela ajuda, vos sufís de far una demanda dins los 3 meses aprèp vòstra inscripcion.

Desmarcha per obténer una ajuda de la caf de la Nauta Garona.

Session que ven : del 1èr al 8 d’abril de 2017

S’inscriure

by-nc-nd.eu

Save