Logo CFPO
  • Occitan
  • Français

Formacion de formators (CFPO Besièrs)

Venètz formator en lenga e cultura occitanas Una formacion per un mestièr novèl!
Per animar d’estagis e prene en carga de corses setmanièrs. Per aprestar lo mond al diplòma d’ESCAPOLAIRE (primièr nivèl), e pel segond nivèl qu’òm amagèstra, … Per ajudar las collectivitats localas per la lenga e la cultura occitanas (traduccion de panèls, proposicions de vesitas guidadas de monuments e informacion en occitan…) e per la formacion de lor personal.

Qual se pòt venir formar?
Lo mond qu’an lo sens de la comunicacion e de la relacion umana, que mestrejan l’occitan tant a l’oral coma a l’escrich, o almens que lo parlan un pauc e qu’an una motivacion granda per l’aprigondir. Devon desirar de trabalhar per promòure la lenga occitana e l’ensenhar a d’adults.

La Formacion de formators PARLAR amb lo Centre de Formacion Professionala Occitan
Permet d’aquerir las competéncias clau del mestièr de formator en lenga e cultura occitanas; valent a dire èsser capable:

  • D’animar de corses en sala amb una mesa en situacion antropogogica (pedagogia pels adults) concreta: participacion e animacion dels «estagis PARLAR» e dels «setmanièrs»,
  • De preparar sas intervencions en autonomia,
  • De bastir de cap en cima una accion de formacion en occitan per ensenhar l’occitan als adults,

Una formacion completa en una annada escolara
La formacion dels formators PARLAR comença al mes de setembre per s’acabar al mes de julh seguent. Altèrna de setmanas d’estagis teorics en centre a Besièrs (33 setmanas) e de setmanas de practicas professionalas (9 setmanas) enquadradas per de formators professionals del CFPO.

by-nc-nd.eu