Logo CFPO
  • Occitan
  • Français

Preparacion al bachelierat

Vòstre objectiu : trabalhar la lenga occitana qu’es pas ensenhada dins vòstre licèu, per fin de la presentar al bachelierat, progressar long de l’annada per èsser tranquille le jorn del bac e ganhar un maximum de punts a l’espròva d’occitan !

Las revisions, se fan pas al darrièr moment, tot le monde o sap. Per èsser d’aise fàcia a vòstra còpia o a l’espròva orala de l’opcion occitan, le CFPO recampa de ressorsas pedagogicas variadas (fichas de corses, fichas metòdes, annalas, situacion d’entreten, etc.)

Dins la logica del passatge de l’espròva d’occitan en lenga viva e en opcion lenga regionala, le melhor biais de revisar es de legir, escriure, escotar e parlar.

Cossí procedir ?
– Legir per s’entraïnar a repetir les mots-claus
– Escotar per s’acostumar l’aurelha a comprene les sons e le sens
– Escriure per aprene a exprimir clarament sas idèas
– Parlar per se descomplexar e dedramatizar l’oral

Qué me pòt prepausar concretament le CFPO per me melhor preparar a aquela espròva ?

  • De corses particulars : vos serà prepausat un programa particular e sus mesura segon vòstre nivèl, vòstre perfil e la causida d’opcion occitana o occitan en LV (tarificacion sus demanda) per telefòn e/o dirèctament dins les locals del CFPO a Tolosa.
  • De corses o d’estagis collectius : « Los setmanièrs » : son de corses de una ora e mièja un còp per setmana en pichon grop. D’estagis intensius pòdon tanben ajudar l’escolan a dedramatizar las espròvas e se lançar dins la lenga.