Logo CFPO
  • Occitan
  • Français

Remesa de diplòmas d’occitan a l’Ostal d’Occitània

Lo 27 de setembre lo CFPO Miègjorn-Pirenèus a procedit a la remesa dels diplòmas de lenga e cultura occitanas de nivèl A2 (utilizaire elementar), B1 (utilizaire sulhet), B2 (utilizaire independent) e C1 (utilizaire autonòm).

Lo 27 de setembre, lo Centre de Formacion Professionala d’Occitània Miègjorn-Pirenèus a procedit, a l’Ostal d’Occitània de Tolosa, a la remesa dels diplòmas de lenga e cultura occitanas de nivèl A2, B1, B2 e C1.  Ongan, 153 personas an presentat los Diplòmas en Miègjorn-Pirenèus. Demest eles, comptam 96 escolans de las Escòlas Calandretas, 9 estagiaris de nòstra novèla formacion intensiva de sièis meses, a temps plen, 48 estagiaris de la formacion a distància e 10 personas candidatas liuras.

Los Diplòmas Escapolaire A2, Nivèl B1, Nivèl B2 e C1 meses en plaça per la ret dels CFPO, son de certificats de competéncia, definits pel Quadre Europèu Comun de Referéncia per las Lengas (CECRL) en occitan lengadocian e gascon. Aqueles diplòmas constituisson una reconeissença en lenga per avalorar un aprentissatge o avalorar un saber. Amai, son de marcas utilas pel mercat de l’emplec, perque s’agís d’una nòrma europèa.

Dempuèi junh de 2005, las espròvas d’examèn se debanan sus tres regions : en Miègjorn-Pirenèus, pel CFPO Miègjorn-Pirenèus de Tolosa ; en Aquitània, amb lo CFPÒC d’Ortès ; en Lengadòc e Rosselhon, pel CFPO de Lengadòc de Besièrs.

Daissar un comentari

Vòstra adreça de messatjariá serà pas publicada. Los camps obligatòris son indicats amb *