Logo CFPO
  • Occitan
  • Français

Remesa dels diplòmas a l’Ostal d’Occitània de Tolosa

Lo 17 de setembre, lo CFPO Miègjorn-Pirenèus a efectuada la remesa dels diplòmas de lenga e cultura occitanas de nivèl A2 (utilizaire elementari) B2 (utilizaire independent) e C1 (utilizaire autonòm).

Lo 17 de setembre, lo CFPO Miègjorn-Pirenèus a efectuada la remesa dels diplòmas de lenga e cultura occitanas de nivèl A2 (utilizaire elementari) B2 (utilizaire independent) e C1 (utilizaire autonòm). Ongan, 92 personas an presentat los Diplòmas en Miègjorn-Pirenèus. Demest eles, se compta 46 escolans de las Escòlas Calandretas, 23 estagiaris de la formacion a distància dispensada pel biais de la Ret Pyramide e 23 personas coma candidat liure. Doas sesilhas d’examèn Escapolaire A2, a Rodés, Tarba e Tolosa, e tres sesilhas d’examèn Nivèl B2, a Rodés, Tarba e Tolosa, an permés a 88 miègjorn-pirenèus de s’avalorar per aqueles nivèls. Lo Nivèl C1, ele, se debanèt a Besièrs per l’ensemble d’Occitània. Tres candidats de nòstra region l’an passat amb succès. Las motivacions dels candidats son fòrça divèrsas. I a de salariats que trabalhant dins lo torisme, dins l’ensenhament o de collectivitats localas que validan una formacion. Òm tròba tanben de caumaires que se vòlon orientar cap a l’ensenhament escolar o la formacion per adultes. Enfin, i a los que vòlon avalorar lors coneissenças, lor nivèl.

L’ensemble dels escolans de CM2 de las Escòlas Calandretas d’Occitània an presentat lo Diplòma Escapolaire A2. Aquò representa 188 escolans occitanofòns. La mesa en plaça sistematica d’aquel examèn a demandat un fòrt investiment de l’equipa pedagogica de la ret dels CFPO e fòrça correctors benevòls. Los Diplòmas Escapolaire A2, Nivèl B2 e C1 meses en plaça per la ret dels CFPO, son de certificats de competéncia, definits pel Quadre Europèu Comun de Referéncia per las Lengas (CECRL) en occitan lengadocian e gascon. Aqueles diplòmas constituisson una reconeissença en lenga per avalorar un aprentissatge o avalorar un saber. Amai, son de repèris utiles pel mercat de l’emplec, perque s’agís d’una nòrma europèa.

Dempuèi junh de 2005, las espròvas d’examèn Escapolaire A2 e Nivèl B2 se debanan sus tres regions : en Miègjorn-Pirenèus, pel CFPO Miègjorn-Pirenèus de Tolosa ; en Aquitània, amb lo CFPÒC d’Ortès ; en Lengadòc-Rosselhon, pel CFPO Lengadòc de Besièrs.

by-nc-nd.eu
Creative Commons License
Les informations sur le site du CFPO Miègjorn-Pirenèus sont mises à disposition selon les termes de la licence Creative Commons Paternité-Pas d’Utilisation Commerciale-Pas de Modification 2.0 France. Les autorisations au-delà du champ de cette licence peuvent être obtenues à http://cfpoc.net/accueil/qui-sommes-nous/nous-contacter/

Daissar un comentari

Vòstra adreça de messatjariá serà pas publicada. Los camps obligatòris son indicats amb *